Burudani kwa Wananchi inarejea jioni ya leo pale kikosi cha Yanga kitakaposhuka uwanja wa KMC Complex kuikabili Polisi Tanzania katika mchezo wa hatua ya 32 bora kombe la CRDB.
Mabingwa hao watetezi wa michuano hiyo kwa misimu minne mfululizo, watakuwa wakisaka ushindi ili kutinga hatua ya 16 bora.
Mkufunzi wa Yanga Pedro Goncalves leo anatarajiwa kufanya 'rotation' ya kikosi chake akiwapa nafasi wachezaji ambao hawatumiki mara kwa mara katika kikosi cha kwanza.
Ni katika mpango wa kuhakikisha wachezaji wote wanakuwa kwenye hali nzuri ya ushindani katika kipindi hiki ambacho ratiba sio rafiki.
Baada ya mchezo huo Yanga itaelekea mkoani Mbeya ambapo Alhamisi wanakabiliwa na mchezo wa ligi kuu dhidi ya Tanzania Prisons.
Mchezo dhidi ya Polisi Tanzania leo unatarajiwa kupigwa saa 1:15 usiku.
