Yanga imeendeleza ubabe ligi kuu ya NBC ikiichapa Namungo Fc bao 1-0 katika mchezo uliopigwa uwanja wa Majaliwa, Ruangwa.
Bao la mkwaju wa penati dakika ya 26 lililofungwa na Depu limeihakikishia Yanga alama hizo tatu muhimu ambazo zimewapandisha Wananchi hadi nafasi ya pili.
Yanga walipata mkwaju huo wa penati baada ya Maxi Nzengeli kufanyiwa madhambi ndani ya eneo la hatari.
Ulikuwa ni mchezo ambao nafasi zilitengenezwa chache, Namungo Fc wakitoa upinzani mkali kwa Wananchi.
Kiungo mshambuliaji Allan Okello alipata nafasi adimu zaidi kwenye kipindi cha pili hata hivyo hakuweza kuzitumia na pengine kufungua akaunti yake ya mabao tangu ajiunge na Yanga.
Ni ushindi muhimu na alama tatu zenye thamani kubwa ugenini
ADVERTISE HERE
