Mechi ya kwanza kwa Casemiro

Kiungo Abdulnassir Mohammed 'Casemiro' jana alicheza mechi yake ya kwanza ya mashindano tangu alipojiunga na Yanga msimu huu.

Casemiro alizitumia vyema dakika chache alizopewa na kocha Pedro Goncalves kwenye mchezo huo dhidi ya Cosmopolitan ambao Yanga iliibuka na ushindi wa mabao 2-0 ukipigwa dimba la KMC Complex.

Kinda huyo mwenye umri wa miaka 20 amekuwa sehemu ya kikosi cha Yanga tangu mwanzoni mwa msimu huu na hatimaye ameweza kuandikisha mechi yake ya kwanza.

Casemiro ameahidi kuendelea kupambana katika uwanja wa mazoezi ili kumshawishi mwalimu ampatie nafasi zaidi.