Mashabiki takribani 45,900 wanatarajiwa kushuhudia mechi ya uamuzi ya Kundi B ya Ligi ya Mabingwa Barani Afrika (CAFCL) kati ya Al Ahly na AS FAR. Mchezo huo utachezwa katika Uwanja wa Kimataifa wa Cairo, Misri, Jumapili, Februari 15, ambapo Al Ahly itakuwa mwenyeji.
Mamlaka za soka za Misri kwa kushirikiana na Shirikisho la Soka Barani Afrika (CAF) zimetoa kibali cha idadi hiyo ya mashabiki kuhudhuria mchezo huo kwa kuzingatia sababu za kiusalama, kutokana na ukubwa na ushindani wa mechi hiyo.
Licha ya Al Ahly kuhitaji angalau alama moja tu ili kujihakikishia kuongoza kundi B, mtizamo wao kuelekea mchezo huo ni tofauti hasa kutokana na matukio yaiyojitokeza mchezo wa kwanza timu hizo zilipokutana Morocco ambapo Al Ahly walifanyiwa vurugu matukio yaliyopelekea AS FAR kuzuiwa kuingiza mashabiki kwenye michezo dhidi ya JS Kabylie na Yanga.
Ushindi kwa Al Ahly ndio matokeo ambayo Wananchi wanahitaji ili wapate nafasi ya kufuzu hatua ya robo fainali.
Hata hivyo Yanga lazima ishinde mchezo dhidi ya JS Kabylie ili ipate kunufaika na matokeo ya ushindi kwa Al Ahly.
