FT : Yanga 1-0 Singida BS, fainali hiyooo

Yanga imetinga fainali ya michuano ya kombe la Mapinduzi baada ya kuichapa Singida Black Stars bao 1-0 katika mchezo wa nusu fainali uliopigwa uwanja wa New Amaan Complex, Zanzibar.

Bao pekee la Yanga katika mchezo huo lilifungwa na Maxi Nzengeli kwenye dakika ya 54 akimalzia pasi mpenyezo kutoka kwa Pacome Zouzoua.

Ilikuwa mechi yenye upinzani mkali Yanga wakitawala huku Singida BS wakitumia mashambulizi ya kujibu.

Yanga sasa itachuana na Azam Fc katika mchezo wa fainali utakaopigwa Januari 13 Gombani Pemba.

Kocha Pedro Goncalves ana nafasi ya kuandikisha taji lake la kwanza akiwa na Yanga