Baada ya mazungumzo ya siku kadhaa hatimaye Yanga inakaribia kukamilisha usajili wa mshambuliaji raia wa Angola Laurindo Dilson Aurelio 'Depu' kutoka klabu ya Radomiak Radom ya Poland.
Yanga na Depu tayari walishafikia makubaliano binafsi kilichochelewesha kukamilika kwa uhamisho huo ni majadiliano baina ya timu hasa upande wa dau la usajili.
Hata hivyo ni kama mwafaka umefikiwa baada ya Radomiak Radom kumuondoa kikosini Depu akikosekana kwenye orodha ya wachezaji waliorejea mazoezini jana.
Inaelezwa kuwa Yanga ilituma ofa yake ya mwisho juzi inayokadiriwa kufikia pauni 250,000 ambazo ni zaidi ya Tsh 720M.
Kocha Mkuu wa Yanga Pedro Goncalves amemuhitaji Depu katika kikosi chake akiutaka uongozi wa Yanga uhakikishe mshambuliaji huyo anapatikana kwenye dirisha hili.
