Kocha Pedro Goncalves leo amemaliza unyonge wa Yanga kwenye mechi za ufunguzi hatua ya makundi michuano ya CAF baada ya kuwaongoza Wananchi kupata ushindi wa bao 1-0 dhidi ya AS FAR katika mchezo wa CAFCL kundi B.
Ni Mwana Mfalme Prince Dube aliyewapa Yanga alama tatu muhimu nyumbani na kuanza vyema kampeni ya kuisaka robo fainali.
Vijana wa Goncalves leo walionekana kuwa bora zaidi na pengine wangeweza kufunga mabao zaidi kama sio uimara wa mlinda lango wa AS FAR.
Kazi nzuri eneo la katikati ya uwanja Duke Abuya akiendelea kuitendea haki nafasi yake mpya ya kiungo mkabaji huku Pacome Zouzoua akiwa mwiba mkali kwa walinzi wa AS FAR.
Ukuta wa Yanga ulikuwa salama mbele ya Dickson Job na Ibrahim Bacca huku Mohamed Hussein na Israh Mwenda wakifanya kazi nzuri pembezoni mwa uwanja, Dgijui Diarra nae akiiweka Yanga salama kwa kuokoa nafasi kadhaa za hatari.
Kikosi cha Yanga leo kimeonyesha mabadiliko makubwa ya kiuchezaji, ari na morali ya timu kwa ujumla ilikuwa juu wachezaji wakivuja jasho jingi kuhakikisha alama tatu zinabaki nyumbani.
Goncalves anarudi tena uwanja wa mazoezi kukiandaa kikosi chake kwa mchezo unaofuata dhidi ya JS Kabylie utakaopigwa wiki ijayo
