Tukio la Pacome Zouzoua kumuachia mshambuliaji Andy Boyeli kupiga mkwaju wa penati katika mchezo wa ligi kuu dhidi ya KMC juzi limeendelea kupongezwa na wadau wa soka nchini.
Baada ya Stephane Aziz Ki kuondoka, majukumu ya kupiga mikwaju ya penati Yanga yalikabidhiwa kwa Pacome lakini juzi akaamua kumuachia Boyeli.
Boyeli alikuwa akitafuta bao lake la kwanza msimu huu, na aliitendea haki kwa kuweka mpira kambani.
Pacome ambaye alifunga na kutoa pasi ya bao katika mchezo huo, alikuwa na nafasi ya kufunga bao lake la pili lakini akaona ni busara kumjengea 'confidence' Boyeli ambaye dakika chache baadae akaongeza bao la pili.
Washambuliaji wa Yanga hawajauanza vyema msimu lakini baada ya Boyeli kufunga mabao mawili juzi huenda ukawa mwanzo wa kushuhudia mabao zaidi.
width="100%" />
