Baada ya kukosekana katika mchezo uliopita wa ligi kuu dhidi ya Mtibwa Sugar kutokana na changamoto ya majeruhi, kiungo mshambuliaji wa Yanga Pacome Zouzoua yuko tayari kwa mchezo dhidi ya KMC utakaopigwa uwanja wa KMC Complex hapo kesho.
Pacome alipata majeraha katika mchezo wa mkondo wa pili kuwania kufuzu hatua ya makundi ya ligi ya mabingwa dhidi ya Silver Strikers, mchezo ambao alipachika bao la pili na kuihakikishia Yanga tiketi ya kufuzu makundi.
Pacome ameshiriki kikamilifu mazoezi ya Yanga yanayoendelea Avic Town chini ya Kocha Mkuu Pedro Goncalves kujiandaa na mchezo huo dhidi ya KMC.
Habari njema zaidi kwa Wananchi ni kuwa Pacome atakuwa na muda zaidi wa maandalizi ya mechi za makundi ligi ya mabingwa dhidi ya AS FAR na JS Kabylie zitakazopigwa mwishoni mwa mwezi.
Ni baada ya kutojumuishwa katika kikosi cha timu ya Taifa ya Ivory Coast ambacho kitacheza mechi ya kirafiki dhidi ya Saudi Arabia Novemba 14.
