Msimu uliopita haukuanza vyema sana kwa mshambuliaji Prince Bube alilazimika kusubiri kwa takribani mechi 5 kwenye ligi kufungua akaunti yake mabao.
Jinamizi hilo bado linamuandama Dube ambaye msimu huu katika mechi tatu za ligi hajafunga bao lolote ingawa katika mechi za awali ligi ya mabingwa dhidi ya Wiliete Sc alifunga moja ya mabao katika ushindi wa mabao 3-0 kule Angola.
Pamoja na changamoto hiyo, mashabiki wa Yanga bado wanaonyesha kuwa na imani na Dube na bado hawajachoka kumpambania.
Ilishuhudiwa baada ya mchezo wa ligi kuu dhidi ya Mtibwa Sugar, mashabiki walimtuza Dube kwa kumchangia fedha huku wakimpa moyo aendelee kupambana.
Hamasa hii inaweza kumrejesha Dube katika makali yake na pengine katika mechi zijazo mabao yataanza kumiminika.
Licha ya Yanga kumsajili Andy Boyeli, bado Dube ameendelea kuwa mshambuliaji kiongozi hasa katika kipindi ambacho Clement Mzize bado ni majeruhi.
Msimu huu haujaanza vyema sana kwa Mzize ambaye pia muda mwingi ameutumia akiuguza jeraha la goti.
