Ni rasmi safari ya kuisaka robo fainali ya michuano ya ligi ya mabingwa 2025/26 inaanza mwishoni mwa mwezi huu ambapo mabingwa wa Tanzania Bara Yanga ambao wako kundi B, wataanzia kampeni yao nyumbani.
Katika droo ya hatua ya makundi iliyofanyika Afrika Kusini jana, Yanga ilipangwa kundi B sambamba na mabingwa wa kihistoria wa michuano hiyo Al Ahly wakiungana na AS FAR na JS Kabylie.
Haitakuwa kampeni rahisi kwa Wananchi dhidi ya timu kutoka Kaskazini mwa Afrika lakini hii ni ligi ya mabingwa, hakuna mnyonge.
Mchezo wa kwanza Yanga itaanza dhidi ya AS FAR Novemba 21-23 uwanja wa Benjamin Mkapa na baadae Wananchi kusafiri Algeria kuikabili JS Kabylie kati ya Novemba 28-30.
Ni mechi mbili tu za makundi ambazo zitapigwa mwaka huu kabla ya michuano hiyo kusimama kupisha kalenda za FIFA na CAF ambapo mechi nyingine zitaendelea baada ya Januari 2025.
Ili kujiweka katika mazingira mazuri ya kutinga robo fainali, Yanga ni lazima ihakikishe alama zote 9 za nyumbani zinabaki na kwenda kutafuta angalau alama 3 ugenini
