Nyota wa Yanga wameendelea kuwahamasisha mashabiki kujitokeza kwa wingi uwanja wa Benjamin Mkapa katika mchezo dhidi ya Silver Strikers kuwania kufuzu hatua na makundi ligi ya mabingwa (CAFCL)
Yanga imejichimbia Avic Town ikiendelea na maandalizi yake zikisalia siku mbili kuelekea mchezo huo
Nahodha Msaidizi wa Yanga Dickson Job amesema wachezaji wako tayari na wangependa kuona uwanja wa Benjamin Mkapa unapambwa na rangi za Wananchi siku ya Jumamosi
"Tunatoa shukrani za dhati kwa viongozi wetu kwa kukubali mapendekezo ya mashabiki wetu kwa kutoa mchezo huu bila kuwa na kiingilio'
"Ningependa kuwaomba Wananchi, mapendekezo yenu yamekubaliwa na uongozi nasi tunarudi kwenu kuwaomba twende tukaujaze uwanja kwenye mchezo huo wa Jumamosi kwa sababu ni mchezo mkubwa na muhimu sana kwetu"
"Sisi kama wachezaji tunajiandaa vyema ili kuhakikisha tunapata ushindi. Wananchi huu ni mchezo wetu wa kutupeleka hatua ya makundi," alisema Job
Yanga inawahitaji mashabiki 60,000 siku ya Jumamosi kuwaongezea wachezaji hamasa ili kupata matokeo muhimu ya kuwavusha Wananchi hatua ya makundi
