Yanga yahitaji ushindi dhidi ya Azam FC kumaliza nafasi ya pili

Ili iweze kumaliza kwenye nafasi ya pili, Yanga inahitaji kuibuka na ushindi kwenye mchezo wake wa mwisho dhidi ya Azam FC Jumatatu, May 28.

Baada ya kulazimishwa sare ya mabao 2-2 dhidi ya Ruvu Shooting leo, ushindi dhidi ya Azam FC utaifanya iifikishe alama 55 sawa na wana rambaramba hao lakini Yanga itanufaika na idadi yake kubwa ya mabao.

Hata kama Yanga ingepata ushindi dhidi ya Ruvu Shooting leo, bado ingehitaji kushinda mchezo dhidi ya Azam ili kumaliza nafasi ya pili.

Yanga itakuwa mwenyeji wa mchezo huo utakaopigwa kwenye uwanja wa Taifa ukitarajiwa kuanza saa mbili kamili usiku.