Rais wa Yanga Injinia Hersi Said ambaye pia Mwenyekiti wa umoja wa klabu barani Afrika (ACA) yuko jiji la Rome Italia akihudhuria mkutano wa umoja wa klabu barani Ulaya (ECA)
Hersi amesema amepewa heshima ya kipekee kushuhudia historia katika ushirikiano wa klabu barani Ulaya ikiandikwa
"Katikati ya jiji la Roma, Italia, nilipata heshima kubwa ya kushuhudia historia ikiandikwa wakati European Club Association (ECA) ikibadilishwa rasmi kuwa European Football Club (EFC)."
"Mkutano huu wa kihistoria uliwakutanisha watu wenye akili na ushawishi mkubwa katika soka, akiwemo Rais wa FIFA Gianni Infantino na Mwenyekiti wa EFC Nasser Al-Khelaifi."
"Huu ni mwanzo wa enzi mpya kwa soka la Ulaya, na kama Mwenyekiti wa African Club Association (ACA), nina furaha kubwa kujenga madaraja ya ushirikiano na kujifunza kutoka katika safari ya EFC."
"Pamoja, tutaibadilisha ACA na kuinua hadhi ya soka la vilabu barani Afrika kufikia viwango vya juu zaidi," aliandika Hersi katika ukurasa wake wa mtandao wa kijamii
