Baada ya kukosa ushindi dhidi ya Mbeya City juzi mchezo ukipigwa uwanja wa Sokoine mkoani Mbeya na kumalizika kwa suluhu ya bila kufungana, Yanga itakuwa na safari nyingine ya mkoani Mbeya mapema tu mwezi Novemba pale watakapoifuata Tanzania Prisons kwa ajili ya mechi ya ligi kuu Novemba 1
Kocha Mkuu wa Yanga Romain Folz ni wazi atapaswa kuandaa mapema mkakati wa kupata ushindi hapo Sokoine atakaporejea tena mara ya pili
Katika mchezo dhidi ya Mbeya City, Folz alieleza hali ya uwanja ilichangia vijana wake kutocheza kandanda safi na kupelekea matokeo ya suluhu
Yanga ilipocheza na Tanzania Prisons katika uwanja huo msimu uliopita, iliondoka na ushindi wa mabao 5-0 huku ikicheza kandanda la kuvutia
Wakati huo Wananchi walikuwa wakinolewa na kocha Miloud Hamdi ambaye alitimkia Misri akiinoa klabu ya Ismailia
Mwezi huu Oktoba Yanga itacheza mechi moja ya ligi kuu dhidi ya Mtibwa Sugar na kufungua mwezi Novemba kwa mchezo dhidi ya Prisons
