Wiliete Benguela ya Angola itachuana na Yanga katika mchezo wa hatua ya awali ligi ya mabingwa barani Afrika
Timu hiyo iliyoanzishwa miaka 8 iiliyopita, ilimaliza katika nafasi ya pili kwenye msimamo wa ligi kuu ya Angola nyuma ya Petro Atletico iliyotwaa ubingwa
Hii itakuwa mara yao ya kwanza kushiriki michuano ya CAF, ni timu iliyoimara kiuchumi ikisajili wachezaji wenye wenye uzoefu na michuano hiyo mikubwa
Klabu hiyo ambayo pia imewasajili nyota waliowahi kutamba na Yanga Skudu Makudubela na Joyce Lomalisa, pia inatajwa kumuajiri kocha wa zamani wa Azam Fc, Bruno Ferry
Itakuwa mwenyeji wa Yanga katika mchezo wa mkondo wa kwanza utakaopigwa Septemba 21 huko Angola na marudiano kupigwa wiki moja baadae katika uwanja wa Benjamin Mkapa
Wiliete Benguela imeweka kambi nchini Ureno ikijiandaa na mtanange huo ambao utaamua timu ya kusonga mbele raundi ya kwanza
Kwa kutambua ugumu wa mchezo huo, Yanga imeendelea na maandalizi yake Avic Town kujiweka sawa kuwakabili Waangola hao
Malengo ya Yanga ni kutinga hatua ya makundi ambapo wakifanikiwa wataweka mkakati mpya kwa hatua zinazofuata
