Beki mpya wa Yanga Frank Assink tayari ameanza 'kukiwasha' pale Avic Town ambako kikosi cha Yanga kinaendelea na maandalizi yake ya msimu mpya
Yanga imemsajili Assink akitokea klabu ya Singida Black Stars akichukua nafasi ya Yao Kouassi ambaye amepewa muda zaidi wa kujiimarisha baada ya upasuaji wa goti aliofanyiwa
Assink ni beki kiraka ambaye Yanga inaweza kumtumia katika nafasi yoyote kwenye safu ya ulinzi kwani licha ya kumudu vyema kucheza eneo la beki wa kati, pia anaweza kutumika kama mlinzi wa pembeni
Lakini pia usajili wake utawapa ahueni mabeki Dickson Job na Ibrahim Bacca ambao wametumika zaidi tangu msimu uliopita
Bacca na Job ni tegemeo sio kwa Yanga tu bali hata timu ya Taifa. Tangu msimu ulipomalizika, wachezaji hao hawajapata muda wa kupumzika
Ni juzi tu wametoka kushiriki michuano ya CHAN na kikosi cha Stars wakicheza mechi zote tano lakini wanakabiliwa na kazi nyingine katika timu ya Taifa mchezo wa kuwania kufuzu kombe la Dunia dhidi ya Niger Septemba 09
Assink na nahodha Bakari Ndondo Mwamnyeto kwa wakati huu ndio tegemeo pengine wanaweza kutumika katika mechi za mwanzo wa msimu wakati Bacca na Job wakifanyiwa 'rotation' ili kulinda afya zao
