Klabu ya Yanga haitashiriki michuano ya kombe la Kagame inayotarajiwa kuanza mwanzoni mwa Septemba 2025
Kwa mujibu wa CECAFA, michuano ya Kombe la Kagame inatarajiwa kufanyika Dar es Salaam kuanzia Septemba 2 hadi 15 mwaka huu ikishirikisha timu 12 kama ilivyokuwa mwaka jana
Taarifa kutoka ndani ya Yanga zinabainisha kwamba, uamuzi wa kutoshiriki mashindano hayo umekuja ili kutoa nafasi kwa benchi la ufundi kuiandaa timu
“Yanga haitashiriki michuano ya Kagame mwaka huu kwa sababu tuna ratiba ngumu iliyo mbele yetu,” kilisema chanzo kutoka Yanga na kuongeza.
“Tangu tuanze maandalizi ya msimu mpya kikosi hakina wachezaji wote kwani wengine wanaitumikia Taifa Stars inayoshiriki michuano ya Chan, lakini pia tuna tamasha letu la Wiki ya Mwananchi tunalolifanya kila mwaka, hivyo haitawezekana tushiriki mashindano ambayo katikati yake tuwe na tamasha letu”
Jana iliingia rasmi kambini Avic Town ambapo kikosi kinatarajiwa kuweka kambi ya wiki tatu kabla ya Wiki ya Mwananchi itakayofanyika Septemba 12
