Meneja wa habari na Mawasiliano wa Yanga Ali Kamwe amewaambia Wanachama na Mashabiki wa timu hiyo wajiandae kupokea jezi bora za msimu ujao 2025/26
Kamwe amesema jezi za 2025/26 zimepandishwa kiwango cha ubora, ni vazi rasmi 'mtoko' ambao Mwananchi anaweza kuvaa hata kwenye matukio makubwa na muhimu
"Jezi mpya za Yanga ni 'mtoko', ni jezi ambazo tumepandisha viwango vya ubora na unaweza kuvaa sehemu yoyote"
"Tumezindua pre-order ambayo hii ni maalum kwa ajili ya wale ambao hawapendi usumbufu, hii inawahusu zaidi wafanyabiashara wa jumla wenye maduka makubwa na matawi ya Yanga"
"Wenyeviti wa matawi nchi nzima wanapaswa kutumia fursa hii kuweka oda ya jezi kwa ajili ya wanachama katika matawi yao"
"Oda ni angalau pisi 300 hivyo Viongozi wa matawi waratibu utaratibu wa wanachama wao wanaotaka jezi kujiandikisha na kulipia Tsh 32,000/-," alisema Kamwe
Yanga inatarajiwa kuzindua jezi mpya siku chache kabla ya Tamasha la wiki ya Mwananchi ambalo bado tarehe yake haijatangazwa
