Paul Matthews atangazwa Mkurugenzi wa ufundi Yanga

Klabu ya Yanga imemtangaza Paul Matthews kuwa Mkurugenzi wa ufundi akichukua nafasi iliyokuwa inashikiliwa na Abdihamid Moallin

Matthews alikuwa Mkurugenzi wa ufundi katika klabu ya SuperSport United, alijiuzulu nafasi yake baada ya timu hiyo kuuzwa na sasa ikifahamika kama Siwelele Fc

Jina la Matthews sio geni katika soka la Afrika Kusini kwani amehusika katika kuvumbua wachezaji wengi ambao wametamba katika ligi kuu ya Afrika Kusini

Matthews anamiliki leseni ya UEFA B, akiwa pia amewahi kufanya kazi na AmaTuks, Jomo Cosmos, na Tembisa Classic.

Sasa ametua Yanga kufanya kazi na Kocha Mkuu Romain Folz na benchi lake la ufundi, kutimiza ndoto ya Yanga kuwa klabu namba 1 barani Afrika