Kiungo Jonas Mkude ni miongoni mwa wachezaji waliomaliza mikataba katika kikosi cha Yanga na huenda msimu ujao asiwe sehemu ya kikosi cha Wananchi
Taarifa kutoka duru za usajili ni kuwa Mkude yuko kwenye mazungumzo na klabu ya Singida Black Stars ili kujiunga nayo
Inaelezwa Kocha Mkuu wa Singida Black Stars Miguel Gamondi amependekeza Mkude aongezwe katika kikosi chake ambacho msimu ujao kitaiwakilisha Tanzania kwenye michuano ya kombe la Shirikisho la CAF
Mkude alifanya kazi na Gamondi katika kikosi cha Yanga na alipata nafasi zaidi ya kucheza wakati kocha huyo alipokuwa akihudumu Yanga
Lakini tangu alipoondoka Gamondi, nafasi ya Mkude ilikuwa finyu chini ya makocha waliofuata yaani Sead Ramovic na Miloud Hamdi
Mkude amedumu katika kikosi cha Yanga kwa misimu miwili akijiunga nao kutoka klabu ya Simba
