Meneja wa Habari na Mawasiliano wa Yanga, Ali Kamwe, amesema kuwa klabu hiyo ina bahati msimu huu baada ya kupokea ripoti tatu za tathmini ya kikosi kutoka kwa makocha waliowahi kuifundisha timu hiyo, kuelekea maandalizi ya msimu wa 2025/26.
Makocha waliowasilisha ripoti hizo ni Miguel Gamondi, Sead Ramovic na Miloud Hamdi. Kamwe amesema baada ya kupokea ripoti hizo, hatua ya kwanza iliyochukuliwa na uongozi wa klabu ilikuwa ni kutafuta kocha mpya kwa haraka, ambaye atalingana na falsafa ya Yanga.
Ameleza kuwa tayari kocha mpya amepatikana na amekabidhiwa ripoti zote tatu kwa ajili ya kuzifanyia tathmini, akilenga kuboresha kikosi kuelekea msimu ujao.
Hata hivyo, Kamwe amesema klabu haitamtambulisha kocha huyo kwa sasa, ili kuepusha presha isiyo ya lazima katika kipindi hiki cha dirisha la usajili.
Kamwe amebainisha kuwa kocha huyo tayari yuko nchini akishirikiana na uongozi katika maboresho ya kikosi
Kamwe amewataka Wanachama na Mashabiki kushiriki kikamilifu kwenye kampeni ya TOFALI LA UBINGWA yenye lengo la kukusanya fedha ambazo zinaweza kutumika katika kusajili wachezaji ww daraja la juu kwa kuzingatia mapendekezo ya kocha mpya
Kampeni hiyo imezinduliwa mapema leo jijini Dar es salaam ambapo leo ni angalau Wanachama MILIONI 1 kulipaa Tsh 24,000
