Taarifa kutoka Misri imebainisha kuwa klabu ya Ismaily inayoshiriki ligi kuu nchini humo iko kwenye mazungumzo kumuajiri Kocha Miloud Hamdi ambaye amemaliza mkataba na Yanga
Kocha huyo aliyeiongoza Yanga kushinda mataji matatu msimu uliomalizika, bado hajasaini mkataba wa kuendelea kuitumikia Yanga licha ya kufanya mazungumzo ya awali na uongozi
Wakati anatua Yanga kuchukua mikoba iliyoachwa na Sead Ramovic, alisaini mkataba wa hadi mwisho wa msimu ambao ulimalizika baada ya mchezo wa fainali kombe la CRDB dhidi ya Singida Black Stars akiiongoza Yanga kushinda mchezo huo kwa mabao 2-0 na kutetea taji la CRDB kwa msimu wa nne mfululizo
Awali Yanga ilianza mchakato wa kusaka kocha ambaye angechukua mikoba baada ya msimu kumalizika lakini kazi nzuri aliyofanya Hamdi katika muda mfupi ni kama imewashawishi mabosi wa Yanga kufikiria kumpa mkataba wa muda mrefu
Hata hivyo bado hakuna taarifa rasmi juu ya hatma yake na upo uwezekano mkubwa anaweza kuibukia Ismaily
