Kocha Mkuu wa Yanga Miloud Hamdi ameendelea kudhihirisha Rais wa Yanga Injinia Hersi Said hakufanya makosa kumfuata Singida BS kikosi chake kikiendelea kugawa dozi
Baada ya kuiongoza Yanga kuibuka na ushindi wa mabao 5-0 dhidi ya Tanzania Prisons katika mchezo uliopita, Hamdi leo ameiongoza tena Yanga kuibuka na ushindi mwingine wa mabao 5-0 dhidi ya Dodoma Jiji na kujiweka katika nafasi nzuri ya kutetea ubingwa
Tangu atue Yanga baada ya kuondoka ghafla kwa Kocha Sead Ramovic, Hamdi ameiongoza Yanga katika mechi 16 za mashindano ambapo ameshinda 15 na sare moja tu
Katika kipindi chake Hamdi pia ameiongoza Yanga kutwaa taji la Muungano mwezi May mwaka huu
Hamdi amebakisha mechi mbili muhimu ambazo kama atashinda zote, ni wazi atajihakikishia mkataba wa muda mrefu na Wananchi
Ikumbukwe wakati anatua Yanga, Hamdi alisaini mkataba wa muda mfupi ambao utafikia tamati baada ya mchezo wa fainali kombe la CRDB dhidi ya Singida BS utakaopigwa Juni 29
Kazi aliyobakisha kwake ni kuhakikisha Yanga inatetea taji la ligi kuu na CRDB
