Msafara wa kikosi cha Yanga umewasili salama mkoani Mbeya kuelekea mchezo wa ligi kuu dhidi ya Tanzania Prisons
Jumatano, Juni 18 Yanga itakuwa mgeni wa Prisons katika mchezo ambao utapigwa dimba la Sokoine
Mabingwa hao wa nchi wametua Mbeya jioni hii kwa kutumia usafiri wa Air Tanzania
Mratibu wa Yanga, Hafidh Saleh amesema ni wachezaji wawili tu ambao hawakusafiri mkoani Mbeya kutokana na changamoto za majeruhi
Kikosi kilichotua Mbeya kimewajumuisha walinda lango; Djigui Diarra, Abuutwalib Mshery na Khomeiny Aboubakar, huku mabeki wakiwa ni; Nickson Kibabage, Kibwana Shomari, Dickson Job, Bakari Mwamnyeto, Ibrahim Bacca na Chadrack Boka, wakati viungo ni Maxi Nzengeli, Khalid Aucho, Pacome Zouzoua, Mudathir Yahya, Aziz Andambwile, Salum Abubakar na Duke Abuya.
Wengine ni Clatous Chama, Jonas Mkude na Denis Nkane, ilihali washambuliaji ni Clement Mzize na Prince Dube na wachezaji kutoka timu ya vijana.
