Wakati wiki moja ikiwa imebaki kuelekea Juni 15 tarehe ambayo Bodi ya ligi (TPLB) imepanga mchezo namba 184 kati ya Yanga dhidi ya Simba kupigwa katika uwanja wa Benjamin Mkapa, mpaka sasa Yanga kama mwenyeji wa mchezo huo haijafanya maandalizi yoyote kwa kuwa haitashiriki mchezo huo
Msimamo huo umepelekea Bodi ya ligi kuandika barua kwa Rais wa Yanga Injinia Hersi Said na Kamati ya Utendaji ya klabu hiyo ili kifanyike kikao cha pamoja kujadili mchezo huo
Taarifa za ndani ya uongozi zimethibitisha maombi ya kikao hicho kutoka kwa TPLB ambacho kimepangwa kufanyika Jumatatu Juni 9 saa 4 asubuhi kwenye ukumbi wa mikutano wa Bodi ya ligi,uliopo Ilala Dar es Salaam
Hata hivyo Injinia Hersi yuko Marekani akihudhuria mafunzo maalum katika Shule ya biashara ya Havard
Hakuna kiongozi wa Yanga aliyekuwa tayari kuzungumzia hatma ya ushiriki wa Yanga katika kikao hicho
Yanga imeweka msimamo wa kutoshiriki mchezo huo hadi pale malalamiko yake ya March 09 yajibiwe ama bodi iwajibike
