Zipo nyakati ilionekana nahodha wa Yanga Bakari Nondo Mwamnyeto kama ameshuka kiwango na kupelekea kupoteza nafasi yake katika kikosi cha kwanza
Lakini unaweza kusema mambo yanabadilika kwani Mwamnyeto ameendelea kudhihirisha haikuwa bahati mbaya kwake kusajiliwa Yanga miaka mitano iliyopita na moja kwa moja kupewa unahodha
Upo msemo kuwa mchezaji anaweza kupoteza 'form' kwa muda lakini sio ubora wake, pengne hilo ndilo lililomtokea Mwamnyeto
Jana katika mchezo wa ligi kuu dhidi ya Namungo Fc, Mwamnyeto alikuwa kinara katika safu ya ulinzi pengine kama sio bao na asisti kutoka kwa nyota wa mchezo Maxi Nzengeli, tuzo hiyo pengine angeibeba Mwamnyeto
Kocha Mkuu wa Yanga Miloud Hamdi ameonyesha kumuamini Mwamnyeto tangu alipokabidhiwa majukumu ya kuinoa Yanga kutoka kwa Sead Ramovic
Katika michuano ya kombe ya Muungano iliyohitimishwa Pemba mapema mwezi huu na Yanga kutwaa ubingwa, Mwamnyeto alicheza dakika zote 270 katika safu ya ulinzi
Mwamnyeto ameendelea kujitengenezea nafasi ya kurejea katika kikosi cha timu ya Taifa kuekea michuano ya CHAN itakayofanyika mwezi Agosti hapa nchini
