Kesho Jumatano, May 14 Yanga Princess itashuka dimba la Meja Jenerali Isamuhyo kumenyana na JKT Queens katika mechi ya mzunguuko wa 16 ligi kuu ya Wanawake (WPL)
Hii ni mechi ya aina yake kwani matokeo yanaweza kuamua hatma ya ubingwa wa ligi kuu ya Wanawake msimu huu kati ya Simba Queens na JKT Queens
Kwa lugha rahisi unaweza kusema Simba Queens ambayo jana ililazimishwa sare ya mabao 2-2 dhidi ya Mashujaa Queens inaomba Yanga Princess ipate ushindi au hata kutoka sare na JKT Queens ili waweze kutwaa ubingwa
Yanga Princess ina nafasi finyu ya kutwaa ubingwa msimu huu kwani kama itashinda mechi tatu zilizobaki, itafikisha alama 42 wakat Simba Queens inayoongoza ligi ina alama 41 ikisalia mechi mbili huku JKT Queens inayoshika nafasi ya pili ikiwa na alama 38 na mechi tatu mkononi
Mchezo kati ya JKT Queens dhidi ya Yanga Princess awali ulipangwa kupigwa jana lakini ukasogezwa mbele kwa siku mbili hadi siku ya Jumatano
Tangu kuanza kwa duru ya pili ligi kuu ya Wanawake, Yanga Princess imeshinda mechi zote ikiwa ni pamoja na kuwachapa watani zao Simba Queens lakini pia wakiifunga JKT Queens katika michuano maalum ya kuadhimisha siku ya Wanawake na kutwaa ubingwa mkoani Arusha
