Kuna uwezekano mkubwa klabu ya Yanga itafanya biashara ya maana katika dirisha lijalo la usajili ofa zikimiminika kuwahitaji nyota wa klabu hiyo
Klabu ya Wydad Athletic mara kadhaa imefanya jitihada za kuwasajili Stephane Aziz Ki na Clement Mzize lakini michakato haikufanikiwa kwa sababu ofa yao ilikuwa chini ya mahitaji ambayo Yanga iliweka ili kuwauza wachezaji hao
Hata hivyo taarifa ya ndani ya uongozi wa Yanga imedokeza kuwa klabu za FAR Rabat na Raja CA zimeonyesha kuwa tayari kufikia ofa ambayo Yanga wameitaka ili kumuachia Aziz Ki
Kuna uwezekano mkubwa Aziz Ki akajiunga na moja ya timu hizo pale msimu utakapofika tamati huku ikielezwa uongozi wa Yanga tayari umeanza mchakato wa kusaka mbadala wake
Yanga inahusishwa kumrejesha kiungo mshambuliaji Feisal Salum 'Fei Toto', mazungumzo yakielezwa kuwa katika hatua za mwisho
Hivi karibuni Meneja wa Habari na Mawasiliano wa Yanga Ali Kamwe alisikika akitamba na kuwataarifa Azam Fc kuwa wajiandae kwani kuna pigo linakwenda kuwakumba pale dirisha litakapofunguliwa!
Aziz Ki amekuwa nguzo ya mafanikio ya Yanga katika misimu mitatu aliyowatumikia Wananchi akitwaa mataji mawili ya ligi kuu ya NBC, FA, kucheza fainali ya kombe la Shirikisho (CAF CC) na robo fainali ya ligi ya mabingwa (CAF CL)
Msimu uliopita ulikuwa wa mafanikio zaidi kwake akibeba tuzo ya mchezaji bora (MVP), kiungo bora na mfungaji bora akifunga mabao 21
Msimu huu amefunga mabao 9 huku pia akitoa assist 8 akihusika katika mabao 17 yaliyofungwa na Yanga kwenye ligi
Maumivu ya yanayojirudia ya mgongo na nyonga ni wazi yamechangia kumpunguza kasi msimu huu
