JKT Tanzania leo imetangulia nusu fainali ya kombe la Shirikisho la CRDB ikiichapa Pamba Jiji mabao 3-1 katika mchezo wa robo fainali uliopigwa uwanja wa Meja Jenerali Isamuhyo
Wakati JKT Tanzania ikitangulia, Wananchi Yanga wao watashuka dimbani kesho Jumanne kumenyana na Stand United katika mchezo utakaopigwa uwanja wa KMC Complex
Kama Yanga itashinda mchezo huo, basi itatinga nusu fainali ambapo itachuana na JKT Tanzania katika mchezo ambao utapigwa dimba la KMC Complex
Yanga na JKT Tanzania tayari zimekutana mara mbili kwenye ligi kuu Yanga ikishinda mechi ya duru ya kwanza kwa mabao 2-0 na mchezo wa duru ya pili kumalizika kwa matokeo ya suluhu ya bila kufungana
Aidha Singida Black Stars imetinga nusu fainali kwa ushinda wa mabao 2-0 dhidi ya Kagera Sugar
Walima alizeti hao watachuana na Simba katika mchezo wa nusu fainali
