Klabu ya Al Masry kutoka Misri iko nchini ambayo siku ya Jumatano April 09 wataumana Simba katika mchezo wa mkondo wa pili robo fainali ya kombe la Shirikisho (CAF CC)
Al Masry walipata ushindi wa mabao 2-0 katika mchezo wa mkondo wa kwanza
Ikumbukwe msimu wa 2017/18 Al Masry walicheza na Simba katika michuano hiyohiyo na walipata sapoti kubwa ya mashabiki wa Yanga pale uwanja wa Benjamin Mkapa
Baada ya kutua nchini, Al Masry kupitia ukurasa wao wa mtandao wa Instagram, walieleza furaha yao kuja Tanzania kwa mara nyingine kukutana na mashabiki wa Yanga
Yaani ni kama wanaomba sapoti ya Wananchi siku ya Jumatano pale kwa Mkapa
Hata hivyo kwa sasa Wananchi 'wako busy' na mambo yao, mkakati ukiwa kushinda mataji yote ya ndani ili kurejea katika michuano ya Kimataifa na nguvu kubwa zaidi msimu ujao
