Yao yuko tayari 'kukiwasha'

Baada ya kukosekana dimbani kwa takribani miezi mitatu akiuguza majeraha, mlinzi wa kulia wa Yanga Yao Kouassi amerejea

Yao ameanza kufanya mazoezi ya timu baada ya kumaliza program maalum ya mazoezi binafsi

Ni wazi sasa kocha Miloud Hamdi anaweza kuanza kumtumia na yawezekana leo katika mchezo dhidi ya Coastal Union akapata dakika chache

Hata hivyo Yao anarejea katika nyakati ambazo Israel Mwenda amejimilikisha eneo la ulinzi upande wa kulia akifanya vizuri

Yanga ilimsajili Mwenda dirisha dogo baada ya kuumia kwa Yao na tangu amesajiliwa, amepenya moja kwa moja kwenye kikosi cha kwanza

Unaweza kusema kazini kwa Yao sasa kuna kazi, kwani mbali na Mwenda, Kibwana Shomari nae yuko fit akisubiri nafasi yake