Yanga imezima kelele za Tabora United ikiibuka na ushindi wa mabao 3-0 katika mchezo uliopigwa uwanja wa Ali Hassan Mwinyi
Yanga ilianza mchezo huo kwa kasi ikionyesha dhamira ya kubeba alama zote tatu na alikuwa ni Israel Mwenda aliyewatanguliza Wananchi kwa bao safi dakika ya 21 kupitia mpira wa adhabu
Yanga ikaenda mapumziko ikiwa mbele kwa bao hilo moja. Kipindi cha pili Yanga ilirejea na kasi, Clement Mzize akaongeza bao la pili kupitia shambulizi la kushitukiza kabla ya Dube kuongeza la tatu baada ya pasi murua kutoka kwa Pacome Zouzoua
Pengine Yanga ilistahili kuondoka na ushindi mnono zaidi mshika kibendera akikataa bao jingine kutoka kwa Mzize
Ni ushindi unaorejesha heshima ya Yanga mbele ya Tabora United. Pia unaifanya Yanga iendelee kujikita kileleni mwa msimamo ikikusanya alama 61
