Matchday : Yanga vs Songea United, CRDB Cup

Mikiki mikiki ya kombe la Shirikisho la CRDB inaendelea leo ambapo mabingwa watetezi Yanga wataikaribisha Songea United katika mchezo wa hatua ya 16 bora

Yanga itaingia kwenye mchezo huo kuendeleza ubabe wake katika michuano ya FA, msimu huu wakisaka taji la nne mfululizo

Katika karatasi unaweza kuonekana kama ni mchezo mwepesi kwa Yanga kwa kuwaangalia Songea United ambao wanashiriki ligi ya Championship

Hata hivyo hakuna mechi nyepesi katika hatua ya mtoano, kuna vigogo kama Azam Fc waliondoshwa mapema na timu ya Championship, Mbeya City

Meneja wa Habari na Mawasiliano wa Yanga Ali Kamwe amesema hawataidharau Songea United kwani timu dhaifu haiwezi kupenya mpaka hatua ya 16 bora

Mchezo utapigwa saa 10 jioni katika uwanja wa KMC Complex..