Jumanne ijayo April 1 katika uwanja wa Ali Hassan Mwinyi mkoani Tabora, mabingwa wa soka Tanzania Bara Yanga watakuwa dimbani kuikabili Tabora United katika mwendelezo wa ligi kuu ya NBC
Yanga itaingia katika mchezo huu ikiwa na kumbukumbu ya matokeo ya mchezo wa duru ya kwanza uliopigwa uwanja wa Azam Complex, Yanga kukubali kipigo cha mabao 3-1
Ni mechi ya kisasi kwa Wananchi, Tabora United ni moja ya timu mbili zilizotibua rekodi ya Yanga msimu huu. Walina asali hao kutoka Tabora na Azam Fc walitibua rekodi nzuri ambayo Yanga walianza nayo msimu kwa kushinda mechi nane mfululizo
Baada ya kupoteza mechi hizo mbili, unaweza kusema Wananchi walitoka kwenye reli kwani ilipelekea aliyekuwa Kocha Mkuu Miguel Gamondi akatimuliwa na kumleta kocha mpya Sead Ramovic ambaye nae akapoteza mechi mbili muhimu za ligi ya mabingwa dhidi ya Al Hilal na MC Alger
Hivyo ni wazi Wananchi wanauendelea mchezo dhidi ya Tabora United wakikumbuka madhira waliyokumbana nayo baada ya kupoteza mchezo wa duru ya kwanza dhidi yao
Katika kipindi hiki ambacho ligi inaelekea ukingoni, kila mchezo ni kama fainali hakuna nafasi ya kudondosha alama katika mechi 7 zilizobaki
Yanga itakwenda Tabora baada ya mchezo wa hatua ya 16 bora kombe la Shirikisho la CRDB dhidi ya Songea United utakaopigwa Jumamosi, March 29 uwanja wa KMC Complex
Wananchi wakati huo watakuwa na full-squad kwani wachezaji waliokuwa katika majukumu ya timu za Taifa watakuwa wmerejea
