Dube hatari kwa mabao ya vichwa

Katika mabao 10 aliyofunga kwenye ligi kuu ya NBC msimu huu, mshambuliaji wa Yanga Prince Dube, mabao yake 6 ameyafunga kupitia mipira ya vichwa

Kwa mujibu wa takwimu za Bodi ya Ligi, Dube ndiye mchezaji hatari zaidi katika kufunga mabao ya vichwa

Anayemfuatia kwa karibu ni Heritier Makambo wa Tabora United aliyefunga mabao manne ya vichwa

Lakini pia kwenye orodha hiyo ya vinara wa mabao ya vichwa yumo beki wa Yanga Ibrahim Bacca aliyepachika mabao matatu ya vichwa

Bacca ndiye beki mwenye mabao mengi msimu huu akipachika mabao manne