Chamangwana aagwa kishujaa Malawi

Rais wa Malawi Peter Mutharika leo amewaongoza mamia ya wananchi waliojitokeza kwenye uwanja wa Kamuzu kuuaga mwili wa mchezaji wa zamani wa timu ya Taifa ya Malawi, Jack chamangwana aliyefariki juzi kwa ugonjwa wa shinikizo la damu.

Chamangwana amewahi kuinoa klabu ya Yanga na kuiwezesha kutwaa ubingwa wa Tanzania Bara kwa misimu miwili mfululizo mwaka 2005 na 2006.



Mazishi yake yamefanywa ya kitaifa kutokana na mchango wake mkubwa aliotoa kwa timu ya Taifa ya Malawi wakati huo akicheza mpira.

Chamangwana anatajwa kuwa miongoni mwa wachezaji bora waliowahi kuichezea Malawi na anashikilia nafasi ya pili kwa kucheza mechi nyingi kwenye timu ya Taifa ya Malawi