Majira ya saa 10 jioni pale uwanja wa KMC Complex Yanga itamenyana na Coastal Union katika mchezo wa raundi ya nne kombe la Shirikisho la CRDB
Bila shaka shauku kubwa ya mashabiki wa Yanga itakuwa kumshuhudia kwa mara nyingine winga Jonathan Ikangalombo
Ikangalombo alionyesha kiwango bora katika mchezo wa mwisho alioitumikia Yanga dhidi ya Pamba Jiji mkoani Mwanza
Baada ya wiki takribani nne za mazoezi binafsi, Ikangalombo sasa anaonekana yuko tayari, kocha Miloud Hamdi akimjumuisha katika vikosi vyake vya mechi mbili zilizopita
Winga huyo mwenye kasi ya kimbunga, alijumuishwa katika kikosi ambacho kilipaswa kucheza na Simba Jumamosi iliyopita katika uwanja wa Benjamin Mkapa na kama sio Simba kuingia mitini, angetumika katika mchezo huo
Pengine Hamdi leo anaweza kumuanzisha katika kikosi cha kwanza kitakachoikabili Coastal Union
