Klabu ya Simba imetishia haitapeleka timu uwanjani katika mchezo wa ligi kuu dhidi ya Yanga ambao umepangwa kupigwa baadae leo katika uwanja wa Benjamin Mkapa
Taarifa iliyotolewa na klabu hiyo imedai maamuzi hayo yamefikiwa baada ya kuzuiwa kufanya mazoezi katika dimba la Mkapa siku moja kabla ya mechi
Aliyekuwa Mkurugenzi wa Sheria wa Yanga Simon Patrick amesema katika mechi iliyopita Oktoba 19 Yanga ilizuiwa kufanya mazoezi siku moja kabla ya mechi kama ilivyotokea kwa Simba licha ya kuwa kanuni inawaruhusu
Kupitia ukurasa wake wa mtandao wa kijamii, Simon ameandika ujumbe huu
"Kwa mujibu wa kanuni, ni kweli kwamba timu ngeni ina haki ya kufanya mazoezi angalau mara moja kabla ya mechi.
Hata hivyo, kwa kuwa ligi yetu inaendeshwa kwa busara, na ikizingatiwa kuwa katika mzunguko wa kwanza Klabu ya Yanga ilinyimwa haki ya kufanya mazoezi siku moja kabla ya mechi, basi hakuna uhalali wa kuruhusu wenzetu kufanya mazoezi ili kuepuka upendeleo wa aina yoyote (“double standard”).
Kama mamlaka zingekuwa makini katika kusimamia kanuni kwa kiwango sawa na wanavyofanya katika kutoa faini kwa vilabu na kuwafungia wasemaji, hali hii isingekuwepo.
NB: Fanyeni yote Afrika nzima inasubiria derby ya Kariakoo"
