Jumamosi pale uwanja wa Benjamin Mkapa majira ya saa 1:15 usiku mechi ya ligi kuu inayokutanisha timu pinzani asili, Yanga na Simba itapigwa
Itakuwa mechi muhimu ambayo ushindi kwa Yanga unaweza kuwaweka Wananchi katika nafasi nzuri ya kutetea taji la ligi kuu kwa msimu wa nne mfululizo
Yanga inakwenda katika mchezo huo ikiwa na rekodi ya kibabe dhidi ya watani zao Simba ikishinda mechi zote nne zilizopita
Katika kikosi cha Yanga kutakuwa na vinara wawili wa kuzifumania nyavu mechi zinazokutanisha timu hizo, Stephane Aziz Ki na Maxi Nzengeli
Aziz Ki na Maxi wamepachika mabao matatu kila mmoja na yeyote atakayefunga katika mchezo huo atafikisha mabao manne au zaidi
Aidha uwepo wa Aziz Ki katika kikosi cha Yanga ni habari mbaya zaidi kwa Simba kwani ana rekodi ya kipekee katika mechi alizocheza dhidi ya Simba tangu akiwa na Asec Mimosa ya Ivory Coast
Aziz Ki amepachika jumla ya mabao matano katika mechi 10 alizocheza dhidi ya Simba huku akitoa assist 2 na hivyo kumfanya ahusike katika mabao 7
