Mikiki mikiki ya ligi kuu ya NBC inaendelea leo ambao mabingwa watetezi Yanga watakuwa uwanja wa CCM Kirumba kuikabili Pamba Jiji
Katika mkakati wa kutetea taji la ligi kuu kwa msimu wa nne mfululizo, Yanga inawania alama tatu muhimu ambazo zitazidi kuwaweka katika nafasi nzuri ya kufikia malengo yao
Hata hivyo haitakuwa rahisi mbele Pamba Jiji iliyoimarika zaidi tangu kuanza kwa duru la pili
Pamba Jiji bado haiko salama ikipambana kuhakikishia inaendelea kusalia katika ligi kuu ya NBC msimu ujao
Timu hiyo imeahidiwa mamilioni ya shilingi kama itashinda mchezo huo, jana ikitanguliziwa Tsh Milioni 10 kama fedha ya maandalizi
Ni wazi itakuwa mechi ngumu lakini kocha mkuu wa Yanga Miloud Hamdi amewahakikishia Wananchi kuwa watapambana kwa jasho na damu ili kushinda mchezo huo
Kama Yanga itaibuka na ushindi leo itaongeza gap la pointi dhidi ya watani zao Simba kufikia alama 7
Yanga na Simba zitachuana katika mchezo utakaofuata March 08 katika uwanja wa Benjamin Mkapa
