Baada ya ushindi uliopelekea vilio kila kona, Wananchi hawana muda wa kupoteza kwani Ijumaa wanaelekea mkoani Kigoma tayari kwa mchezo mwingine wa ligi kuu
Jumapili, Februari 23 Yanga itashuka dimba la Lake Tanganyika, Kigoma kumenyan na Mashujaa Fc katika mechi ya raundi ya 21
Hizi ni nyakati za lala salama, kila mechi ni kama fainali na kwa aina ya upinzani ambao Yanga wanakutana nao huko nje, ni dhahiri kila mechi itakuwa ngumu sana
Habari njema ni kuwa Yanga imepata angalau siku chache za kufanya maandalizi ya mchezo huo baada ya ratiba ya mechi mfululizo
Meneja wa Habari na Mawwasiliano wa Yanga Ali Kamwe amesema mikakati yao ni kushinda kila mechi, hawana muda wa kusikiliza hayo yanayojadiliwa kila pale wanaposhinda
"Sisi kazi yetu tunaifanya uwanjani, lengo ni kushinda kila mechi, halafu tutawaachia hao wachambuzi wachambue," alisema Kamwe
Baada ya mchezo dhidi ya Mashujaa Fc, Yanga itaelekea Mwanza kuikabili Pamba Jiji mchezo utakaopigwa Februari 28
