Yanga imeshindwa kutamba uwanja wa Isamuhyo baada ya kulazimishwa suluhu ya bila kufungana dhidi ya JKT Tanzania katika mchezo wa ligi kuu ya NBC
Yanga ilitengeneza nafasi chache katika kipindi cha kwanza Clement Mzize akikaribia kuifunga lakini umahiri wa mlinda lango wa JKT Tanzania ulikuwa kikwazo
Kipindi cha pili JKT Tanzania walirudi nyuma kuzuia huku wakitumia mashambulizi ya kushitukiza
Licha ya jitihada, haikuwa rahisi kuipenya ngome ya JKT na kushuhudiwa dakika 90 zikimalizika ubao ukisoma 0-0
Unaweza kusema Yanga haikuwa katika 'form' yake leo, ilijenga mashambulizi yake taratibu hivyo kuwapa JKT Tanzania nafasi ya kujipanga
Yanga inaendelea kubaki kileleni ikifikisha alama 46 hata hivyo kama Simba itashindi dhidi ya Tanzania Prisons hapo kesho, maana yake ni kuwa mabingwa hao watetezi watashuka nafasi ya pili
Ni mchezo wa kwanza msimu huu Yanga inadondosha alama ugenini baada ya kushinda mechi zote 7 zilizopita
Dimba la Isamuhyo bado ni gumu kwa Yanga kupata ushindi, matokeo kama haya yalipatikana msimu uliopita pia
