Maswali yamekuwa mengi kuhusu winga mpya wa Yanga Jonathan Ikangalombo ambaye tangu aliposajiliwa na mabingwa wa nchi, bado hajaonekana uwanjani
Kocha aliyeondoka Sead Ramovic aliwahi kueleza sababu za kutomtumiaa winga huyo raia wa DR Congo ambaye alisajiliwa na Yanga akitokea klabu ya AS Vita
Ramovic alieleza kuwa Ikangalombo hakuwa na 'fitness' ya kumfanya aanze kutumika mara moja hivyo walimpatia program maalum ya kutengeneza utimamu wa mwili
Program hiyo ilimfanya atumie wiki zake za kwanza Gym akifanya mazoezi maalum ya kuimarisha mwili wake
Kabla ya kutua Yanga, Ikangalombo alikaa nje bila ya kucheza mpira kwa takrbani miezi mitatu kwa kile kilichoelezwa alikuwa na mgogoro wa kimkataba na waajiri wake AS Vita
Hata hivyo winga huyo tayari taratibu ameanza kushiriki mazoezi ya kucheza mpira na wenzake na pengine anaweza kuanza kuonekana dimba katika mechi zinazofuata
Leo Yanga itachuana na JKT Tanzania dimba la Isamuhyo huko Mbweni. Ikangalombo huenda akaukosa mchezo huo pia
