Mzize avunja rekodi yake ya mabao

Mshambuliaji wa Yanga Clement Mzize anaongoza mbio za ufungaji bora ligi kuu ya NBC baada ya leo kufunga mabao mawili katika ushindi wa mabao 6-1 ambao Yanga wameupata dhidi ya Ken Gold

Mzize amefikisha mabao 9 na kumpiku Elvis Rupia wa Singida Black Stars mwenye mabao 8

Akiwa ndio kwanza ametimiza umri wa miaka 21, Mzize amefikisha jumla ya mabao 21 ya Ligi Kuu akivunja rekodi ya mabao 7 aliyofunga msimu uliopita

Katika msimu wa ligi 2022/23 Mzize alipachika mabao 5, takwimu zinaonyesha anakuwa bora msimu hadi msimu

Aidha Prince Dube na Pacome Zouzoua nao wamesogea juu katika mbio za ufungaji bora kila mmoja akifikisha mabao 7