Ushindi wa mabao 6-1 dhidi ya KenGold katika dimba la KMC Complex umeirudisha Yanga kileleni mwa msimamo wa ligi baada ya kufikisha alama 45
Kama Prince Dube angekuwa makini leo pengine angefunga mabao matano peke yake katika mchezo ambao alifunga mabao mawili kama ilivyokuwa kwa Clement Mzize
Mabao mengine yalifungwa na Pacome Zouzoua na Duke Abuya Yanga ikienda mapumziko ikiwa mbele kwa mabao 4-0 na kuongeza mawili katika kipindi cha pili
Mabao ya dakika za mapema yaliyofungwa na Dube na Mzize yalivuruga mpango wa KenGold ambao kwa hakika leo walistahili kubebeshwa fuko la mabao!
Selemani Bwenzi alifunga bao pekee la KenGold akimuotea mlinda lango Djigui Diarra ambaye alikuwa ametoka golini
Kocha mpya wa Yanga Miloud Hamdi aliushuhudia mchezo huo akiwa jukwaa, kwenye benchi akikaa Abdulhamid Moallin
