Baada ya kuaminiwa katika mchezo dhidi ya Tanzania Prisons, mlinda lango Aboutwalib Mshery juzi akapata 'cleansheet' yake ya pili katika mchezo dhidi ya Dodoma Jiji
Mechi hizo mbili zinaweza kuwa zimetosha kulishawishi benchi la ufundi la Yanga kumtumia mbele ya Aboubakar Khomein ambaye makosa aliyofanya katika mchezo dhidi ya Mashujaa Fc yanaweza kuwa yamegharimu nafasi yake
Yanga itaendelea kuwategemea Mshery na khomein wakati huu mlinda lango Djigui Diarra akitibiwa majeraha ya misuli aliyopata katika mchezo wa ligi ya mabingwa dhidi ya TP Mazembe
Madaktari wa Yanga wanapambana kuhakikisha Diarra anarejea mapema kwani Yanga inahitaji uzoefu wake katika mechi tatu muhimu za kuhitimisha hatua ya makundi CAF CL
Januari 04 Yanga itachuana na TP Mazembe uwanja wa Benjamin Mkapa kisha kusafiri Mauritania kuifuata Al Hilal kwa ajili ya mchezo mwingine utakaopigwa Januari 12
Yanga itahitimisha mechi ya mwisho nyumbani kwa mchezo dhidi ya MC Alger Januari 18. Mabingwa hao wa Tanzania Bara hawapaswi kupoteza mchezo wowote ili kuwa na nafasi ya kufuzu robo fainali
