Jioni ya leo Yanga itakuwa dimba la KMC Complex kuikabili Tanzania Prisons katika mchezo wa ligi kuu ya NBC
Mechi nyingine muhimu kwa Kocha Sead Ramovic ambaye anaendelea kukiimarisha kikosi chake
Ramovic anasaka ushindi wa tatu mfululizo kwenye ligi matokeo ambayo yataendelea kurejesha ari na morali ya timu
Mkakati wa Mjerumani huyo ni kuhakikisha ushindi unapatikana katika mechi zote tatu zilizobaki kuhitimisha duru ya kwanza NBC PL kabla ya kuikabili TP Mazembe Januari 03 2025 katika mchezo wa ligi ya mabingwa
Mpaka sasa Ramovic hana lawama kwenye ligi kuu, matarajio ya Wananchi ni kuona leo anaendeleza matokeo ya ushindi
Ramovic ni kama amekuja na tiba ya timu 'zinazopaki basi' kwani alipata ushindi dhidi ya Namungo iliyozuia kwa idadi kubwa ya wachezaji na akafanya hivyo tena dhidi ya timu ngumu ya Mashujaa Fc ambayo kabla ya kipigo cha Yanga ilikuwa haijapoteza mchezo katika mechi tano
Ni wazi Tanzania Prisons leo watahitaji kuwa bora sana kupata chochote mbele ya Yanga inayo onekana kurudi katika utamaduni wake wa soka la kasi huku Mjerumani huyo akiendelea kuingiza mbinu zake
