Meneja wa Habari na Mawasiliano wa Yanga Ali Kamwe amesema usajili wa mlinzi wa pembeni Israel Mwenda ni moja ya sajili ambazo zimekamilishwa kwa kuzingatia mapendekezo ya benchi la ufundi
Kamwe amesema ripoti ya benchi la ufundi ambayo iliwasilishwa kwa Mtendaji Mkuu imetoa mapendekezo ya maboresho ambayo yanahitajika katika dirisha hili
Hivyo Yanga inatarajiwa kusajili wachezaji wengine kabla ya dirisha kufungwa Januari 15 2025
"Tumemsajili Mwenda (Israel) kwa mkopo wa miezi sita hadi mwisho wa msimu lakini niwaambie tu Wanachama na Mashabiki wetu tutasajili wachezaji wengine katika nafasi tofauti kwa kuzingatia mapendekezo ya benchi la ufundi"
"Uongozi wa Yanga unafanya kazi kubwa kupata wachezaji sahihi katika maeneo hayo. Changamoto iliyopo ni kuwa wachezaji wengi wana mikataba na wengine ni tegemeo katika timu zao hivyo kupelekea majadiliano kuchukua muda mrefu"
"Lakini niwahakikishie tutakamilisha usajili wetu mapema kabla ya dirisha dogo kufungwa," alisema Kamwe
Mwenda huenda akaanza kuonekana kesho katika mchezo wa ligi kuu dhidi ya Mashujaa Fc ambao utapigwa uwanja wa KMC Complex
