Jana baadhi ya wachezaji waliokuwa majeruhi walishiriki kikamilifu mazoezi ya kwanza Lubumbashi kuelekea mchezo wa ligi ya mabingwa dhidi ya TP Mazembe utakaopigw kesho Jumamosi
Miongoni mwa wachezaji hao ni mlinzi wa kushoto Chadrack Boka ambaye alionekana mara ya mwisho uwanjani Novemba 02 katika mchezo wa ligi kuu dhidi ya Azam Fc ambao hata hivyo hakuweza kumaliza dakika 90
Katika mechi mbili za ligi ya mabingwa ambazo Yanga ilipoteza dhidi ya Al Hilal na MC Alger, Nickson Kibabage alitumika nafasi ya Boka lakini Wananchi wengi hawajaridhishwa na ufanisi wake katika eneo hilo
Pengine ndio sababu Yanga imemsajili Israel Mwenda ili kuongeza nguvu katika eneo hilo hasa Boka anapokosekana
Hata hivyo Mwenda bado hajasajiliwa kwa ajili ya kuitumikia Yanga katika ligi ya mabingwa dirisha la usajili la CAF litafunguliwa Januari 1 2025.Pia ataanza kutumika katika mechi za ligi kuu baada ya kusajiliwa pale dirisha la TFF litakapofunguliwa Jumatatu, Disemba 16
Wachezaji wengine ambao wamerejea kikosini baada ya kupona majeraha ni Khalid Aucho, Dickson Job na Clement Mzize
Yanga leo itakamilisha maandalizi katika uwanja wa Mazembe, pengine baada ya mazoezi hayo hatma ya nyota hao kuelekea mchezo wa kesho itafahamika
